O día 7 de Novembro celebramos o Día das Bibliotecas cun pouco de retraso debido á folga que se convocou o pasado 24 de Outubro.
Nesta xornada de Portas Abertas acudiron 63 familias e participaron nas diferentes probas que o Equipo de mestres ao completo lles tiñamos preparadas.
Comezamos cunha breve presentación por parte do director do Proxecto e da historia do inicio do noso centro hai 50 anos. Logo a coordinadora da biblioteca explicou as 12 probas da xincana relacionadas con actividades, xogos, vocabulario, celebracións... daquela época. Repartimos os pasaportes, un por familia para selar cada vez que superaban unha proba e empezamos a disfrutar dos recursos e das salas que temos na nosa biblioteca LIA.3.
Ao rematar, xuntámonos de novo na sala dos contos para despedirnos e agradecer a colaboración e participación activa das familias nesta xornada entregándolles a todos unha pegatina co logo deste proxecto.
Enlace á explicación das doce probas.
Enlace ás tarxetas da proba de radio escolar.
Enlace á Galería de fotos.
Vídeo elaborado polo director coas fotos que nos facilitaron as familias e membros de Crónicas Mecas (rede social en Facebook) e que se proxectou na sala de cine.
Ningún comentario:
Publicar un comentario